પ્રજાના પૈસાની લૂંટ: વડોદરામાં રસ્તાના ૩ મોટા પ્રોજેક્ટમાં માત્ર ૩ જ કોન્ટ્રાક્ટર, ‘રિંગ’ બનાવીને મનફાવતા ભાવ મંજૂર કરાવ્યાનો આક્ષેપ

• કરોડોના રસ્તા અને ટકાવારીનો ખેલ ! હરીફાઈના નામે માત્ર ‘ગોઠવણ’, ૨૭ ઓગસ્ટની સ્થાયી સમિતિમાં જનતાના ટેક્સની ખુલ્લી લૂંટની તૈયારી
• પ્રી-પ્લાનિંગ શૂન્ય, ભ્રષ્ટાચાર ૧૦૦%: વડોદરામાં ૧૮.૭૫% ઊંચા ભાવે ટેન્ડર મંજૂર, રસ્તા બનતા જ ફરી ખોદકામની નોબત આવશે?

વડોદરા: વડોદરા કોર્પોરેશન (VMC) ની આગામી ૨૭ ઓગસ્ટના રોજ ખંડેરાવ માર્કેટ સ્થિત વડી કચેરીમાં મળનારી સ્થાયી સમિતિની બેઠક પહેલા જ એક મોટો વિવાદ ઊભો થયો છે. શહેરના છાણી, સમા અને સંગમ ચાર રસ્તા વિસ્તારના કરોડો રૂપિયાના મિલિંગ અને રી-સરફેસિંગના કામોમાં કોન્ટ્રાક્ટરોની ‘ટેન્ડર રિંગ’ (આંતરિક ગોઠવણ) ખુલ્લી પડી ગઈ છે. મનપાના અધિકારીઓની રહેમનજર હેઠળ હરીફાઈનો છેદ ઉડાડીને ત્રણેય કોન્ટ્રાક્ટરોને એકસરખા ૧૮.૭૫% ઊંચા ભાવે કામ પધરાવી દેવાની પેરવી થઈ રહી છે.

કરોડોના ટેન્ડરમાં ‘૧૮.૭૫%’ ની શંકાસ્પદ ગોઠવણ

કૌભાંડ અને ભ્રષ્ટાચાર તરફ ઈશારો કરતા મુખ્ય મુદ્દાઓ

કોન્ટ્રાક્ટરોની મિલીભગત (Tender Ring): ત્રણેય કામોમાં માત્ર ઉપરોક્ત ત્રણ જ એજન્સીઓએ રસ દાખવ્યો હતો. શરૂઆતમાં ૨૦ થી ૨૨ ટકા ઉંચા ભાવ ભર્યા બાદ, ‘ભાવ ઘટાડા’ ના નાટક અંતે ત્રણેય કોન્ટ્રાક્ટરોએ પોતાનો ફાઈનલ ભાવ અંદાજિત રકમ કરતા બરાબર ૧૮.૭૫% વધુ રાખીને ટેન્ડર ફિક્સ કરી દીધા છે. આ આંકડાકીય સમાનતા સીધી રીતે પ્રી-પ્લાન્ડ ‘ગોઠવણ’ છતી કરે છે.

હરીફાઈનો સંપૂર્ણ અભાવ: વાસ્તવિક હરીફાઈ ન થવા છતાં અધિકારીઓ દ્વારા ટેન્ડર રદ કરવાને બદલે પ્રજાના ટેક્સના કરોડો રૂપિયા ઊંચા ભાવે આ કોન્ટ્રાક્ટરોને લૂંટવા માટે આપી દેવામાં આવી રહ્યા છે.

પ્રી-પ્લાનિંગ શૂન્ય, પ્રજાના નાણાંનો વેડફાટ: કરોડોના ખર્ચે રસ્તાઓનું રી-સરફેસિંગ થાય છે અને થોડા જ મહિનાઓમાં ભૂગર્ભ ગટર કે પાણીની લાઈનો નાખવાના બહાને તેને ફરીથી તોડી નાખવામાં આવે છે. નાગરિકોની ઉગ્ર માંગ છે કે રસ્તા બનાવતા પહેલા જ તમામ અંડરગ્રાઉન્ડ કામગીરી પૂર્ણ કરવામાં આવે જેથી વારંવાર ખોદકામ પાછળ થવડોદરા મનપામાં ‘રિંગ’ની શંકા: રસ્તાના 3 મોટા પ્રોજેક્ટમાં કોન્ટ્રાક્ટરોને એકસરખા 18.75% વધુ ભાવે કામ પધરાવવાની પેરવી

વડોદરા મહાનગરપાલિકાની આગામી ૨૭ ઓગસ્ટ, ગુરુવારના રોજ ખંડેરાવ માર્કેટ ખાતે યોજાનારી સ્થાયી સમિતિની બેઠક વિવાદોથી ઘેરાય તેવી શક્યતા છે. આ બેઠકમાં છાણી, સમા અને સંગમ ચાર રસ્તા વિસ્તારમાં રસ્તાના મિલિંગ અને રી-સરફેસિંગના કામો ઇજારદારોને અંદાજિત રકમ કરતા ૧૮.૭૫ ટકા વધુ ભાવે ફાળવવાની દરખાસ્ત રજૂ કરવામાં આવી છે, જેને લઈને વહીવટી પારદર્શિતા સામે સવાલો ઊભા થયા છે.

કયા પ્રોજેક્ટમાં કોને ફાયદો?

છાણી રૂટ (જૂના જકાતનાકા સર્કલથી ફતેગંજ બ્રિજ): મનપાનો અંદાજ રૂ. 9,41,47,000 હતો. શિવમ કન્સ્ટ્રક્શન દ્વારા શરૂઆતમાં 20.78% વધુ ભાવ મુકાયો હતો, પરંતુ વાટાઘાટો બાદ તે ઘટાડીને 18.75% વધુ (એટલે કે રૂ. 8,87,29,405) કરવામાં આવ્યો છે. કામગીરીની મુદત 180 દિવસની રહેશે.

સમા રૂટ (જલારામ મંદિરથી નિઝામપુરા સૈનિક છાત્રાલય): મનપાનો અંદાજ રૂ. 8,20,20,000 હતો. શિવાલય ઇન્ફ્રા પ્રો.પ્રા.લિ. દ્વારા 21.20% વધુ ભાવ સામે વાટાઘાટોને અંતે 18.75% વધુના ભાવે (રૂ. 7,73,00,184) કામ સોંપવાની દરખાસ્ત છે. આ પ્રોજેક્ટની મુદત 210 દિવસ છે.

સંગમ રૂટ (સંગમ ચાર રસ્તાથી મંગલેશ્વર ઝાંપા): મનપાનો અંદાજ રૂ. 6,26,86,996 હતો. પી.ડી. કન્સ્ટ્રક્શન દ્વારા શરૂઆતના 22.30% વધુ ભાવને ઘટાડીને અંતે 18.75% વધુના ભાવ પર (રૂ. 7,44,40,808) સહમતી સધાઈ છે. કામગીરીની મુદત 250 દિવસની રહેશે.

(નોંધ: આ ત્રણેય કામોમાં જીએસટીની રકમ અલગથી ચૂકવવાની રહેશે અને ચોમાસાની ઋતુ સિવાયની સમયમર્યાદા ગણાશે)

ટેન્ડરમાં હરીફાઈનો અભાવ અને ‘મિલીભગત’ની આશંકા

બાબત એ છે કે કરોડો રૂપિયાના આ ત્રણેય કામોમાં માત્ર ત્રણ જ ઇજારદારો (શિવમ, શિવાલય અને પી.ડી. કન્સ્ટ્રક્શન) હાજર રહ્યા છે. પ્રથમ પ્રયત્ને બે ઇજારદારો ક્વોલિફાય થયા હતા, પરંતુ અંતે વાટાઘાટો પછી કોન્ટ્રાક્ટરોના ફાઇનલ ભાવ અંદાજિત રકમ કરતાં એકસરખા, એટલે કે બરાબર ૧૮.૭૫ ટકા વધારા સાથે જ મંજૂરી માટે મુકાયા છે. આ આશ્ચર્યજનક સમાનતા પાછળ કોન્ટ્રાક્ટરોની કોઈ પૂર્વઆયોજિત ગોઠવણ (રિંગિંગ) હોવાની ચર્ચાએ મનપા વર્તુળોમાં જોર પકડ્યું છે.

નવા રસ્તાઓ ખોદવાની પરંપરા બંધ કરવા નાગરિકોની માગ

શહેરમાં કરોડોના ખર્ચે રસ્તાઓ બન્યા બાદ ગણતરીના દિવસોમાં જ પાણી, ડ્રેનેજ કે અન્ય ભૂગર્ભ લાઈનોના નામે તેને ફરીથી તોડી નાખવામાં આવે છે. આ નવી દરખાસ્તો મંજૂર થાય તે પહેલાં નાગરિકોની સ્પષ્ટ માગ છે કે રસ્તાનું રી-સરફેસિંગ શરૂ કરતા પહેલા તમામ જરૂરી માળખાકીય કામગીરી અથવા જૂની લાઈનોનું સમારકામ પૂરું કરી લેવામાં આવે. યોગ્ય આયોજનના અભાવે પ્રજાના કરવેરાના કરોડો રૂપિયા રસ્તા ખોદકામમાં વેડફાય તે હવે ચલાવી લેવાય તેમ નથી.

આ પણ વાંચો – સેફ સિટી’ નો ભ્રમ તૂટ્યો! અમદાવાદમાં દર ૪.૮ મિનિટે નોંધાય છે હિંસા અને મારામારીનો એક બનાવ, ૧૧૨ ના ચોંકાવનારા આંકડા