અસમ વિધાનસભાની 126 બેઠકો માટે આજે સવારે 7 વાગ્યાથી મતદાન થઈ રહ્યું છે. રાજ્યની તમામ બેઠકો માટે એક જ તબક્કામાં મતદાન થઈ રહ્યું છે. આ દરમિયાન ચૂંટણી આયોગે રાજ્યભરમાં મતદાન માટે સુરક્ષા વ્યવસ્થાના પાક્કા પ્રબંધો કર્યા છે. અસમના મુખ્ય ચૂંટણી અધિકારી અનુરાગ ગોયલે તમામ સંબંધિત પક્ષોને દિશાનિર્દેશોનું પાલન કરવાની અપીલ કરી છે અને ચેતવણી આપી છે કે ઉલ્લંઘન કરનારાઓ સામે દંડાત્મક કાર્યવાહી કરવામાં આવશે.
અસમમાં આ વર્ષે થયેલા સ્પેશિયલ રિવિઝન પછી જે અંતિમ વોટર લિસ્ટ જારી કરવામાં આવી છે, તેમાં 2 કરોડ 49 લાખથી વધુ વોટરો છે.
આ અંતિમ વોટર લિસ્ટમાં 1 કરોડ 24 લાખ 82 હજાર 213 પુરુષ મતદારો છે, જ્યારે 1 કરોડ 24 લાખ 75 હજાર 583 મહિલા વોટરો છે. તે ઉપરાંત રાજ્યમાં 343 થર્ડ-જેન્ડર વોટરો પણ છે.
રાજ્યમાં આ વખતનો ચૂંટણી મુકાબલો પાર્ટીના ચિહ્નો ઉપરાંત વર્તમાન મુખ્યમંત્રી હિમંત બિસ્વા સર્મા અને કોંગ્રેસ નેતા ગૌરવ ગોગોઈના ચહેરા પર લડાઈ રહ્યો છે.
સીએમ હિમંત બિસ્વા સર્મા પોતાની જૂની બેઠક જાલુકબાડીમાંથી ચૂંટણી લડી રહ્યા છે, જ્યારે ગૌરવ ગોગોઈ જોરહાટ બેઠકમાંથી ઉમેદવાર છે.રાજ્યમાં મતોની ગણતરી 4 મે 2026ના રોજ થશે.
આ પણ વાંચો – એસઆઇઆર વિવાદમાં પશ્ચિમ બંગાળ કેન્દ્રમાં કેમ? વોટર લિસ્ટમાંથી લગભગ 91 લાખ નામ કપાયા
