ગુજરાત ચૂંટણી : 260 તાલુકા પંચાયત અને 84 નગરપાલિકાઓના ભવિષ્યનો ફેંસલો આજે, 28મીએ પરિણામ
ગુજરાતમાં 26 એપ્રિલ 2026ના રોજ સ્થાનિક સ્વરાજની સંસ્થાઓ જેવી કે મહાનગરપાલિકાઓ, નગરપાલિકાઓ અને પંચાયતો માટે નિર્ણાયક જંગ ખેલાઈ રહ્યો છે. આ ચૂંટણીને ૨૦૨૭ની વિધાનસભા ચૂંટણી પહેલાની ‘સેમીફાઈનલ’ માનવામાં આવી રહી છે, જેમાં ભાજપ, કોંગ્રેસ અને આમ આદમી પાર્ટી વચ્ચે ત્રિપાંખિયો જંગ જામ્યો છે.
કેન્દ્રીય ગૃહમંત્રી અમિત શાહે અમદાવાદના નારણપુરા વિસ્તારમાં અને મુખ્યમંત્રી ભૂપેન્દ્ર પટેલે શીલા વિસ્તારમાં પોતાના પરિવાર સાથે મતદાન કરી લોકશાહીના પર્વમાં ભાગ લીધો હતો.
ચૂંટણીના મહત્વના ફેરફારો અને સમીકરણો
1. OBC અનામતના નવા નિયમો: આ ચૂંટણી નવા સીમાંકન અને OBC (અન્ય પછાત વર્ગો) માટેના સુધારેલા અનામતના નિયમો હેઠળ યોજાઈ રહી છે, જેના કારણે અનેક બેઠકો પર નવા સમીકરણો રચાયા છે.
2. બિનહરીફ બેઠકો: ચૂંટણી પહેલા જ રાજ્યમાં અંદાજે ૭૦૦થી વધુ બેઠકો પર ઉમેદવારો બિનહરીફ ચૂંટાઈ આવ્યા છે, જેમાંથી મોટાભાગની બેઠકો પર ભાજપનો કબજો રહ્યો છે.
3. ત્રિપાંખિયો જંગ: અમદાવાદ અને સુરત જેવા શહેરોમાં આમ આદમી પાર્ટી અને કોંગ્રેસે ભાજપના ગઢમાં ગાબડું પાડવા માટે એડીચોટીનું જોર લગાવ્યું છે.
બપોરે 4 વાગ્યા સુધી મતદાનની ટકાવારી
મહાનગર પાલિકા- 40.79 ટકા
જિલ્લા પંચાયત- 51.85 ટકા
તાલુકા પંચાયત- 52.16 ટકા
નગર પાલિકા- 48.65 ટકા
મહાનગરપાલિકાઓમાં મતદાન
1 વાગ્યા સુધીના આંકડા : સૌથી વધુ મોરબી તો સૌથી ઓછું પોરબંદરમાં મતદાન
મહાનગરપાલિકાનું નામ મતદાનની ટકાવારી (%)
નડીયાદ 41.57%
મોરબી 39.80%
નવસારી 39.58%
વાપી 39.00%
કરમસદ-આણંદ 38.75%
મહેસાણા 37.71%
સુરત 33.23%
સુરેન્દ્રનગર 31.37%
ભાવનગર 31.29%
વડોદરા 30.62%
રાજકોટ 30.22%
જામનગર 29.60%
અમદાવાદ 29.23%
ગાંધીધામ 25.52%
પોરબંદર 24.37%
સવારના 9 વાગ્યા સુધીમાં સરેરાશ 5% જેટલું ધીમું પણ સ્થિર મતદાન નોંધાયું છે. જેમાં 15 મહાનગરપાલિકાઓમાં 4%, 84 નગરપાલિકાઓમાં 6.50%, 34 જિલ્લા પંચાયતોમાં 4% અને 260 તાલુકા પંચાયતોમાં 5% સરેરાશ મતદાન.
ગોંડલના વોર્ડ નં. 2 માં મતદાન મથક 6 માં EVM બગડવાની ઘટના
આ પણ વાંચો – કેજરીવાલના રણનીતિકાર સંદીપ પાઠક ભાજપમાં જોડાતા વિશ્લેષકો કેમ હેરાન છે? જાણો AAP સાથેના છેડા ફાડવાનું અસલ કારણ
