વિશાખાપટ્ટનમમાં ભારતીય નૌકાદળ દ્વારા ગયા મહિને આયોજિત યુદ્ધાભ્યાસ પછી પરત ફરી રહેલું ઈરાની યુદ્ધપોત અમેરિકી સબમરીન દ્વારા ટોર્પેડો મારીને ડુબાડવામાં આવ્યા બાદ એક દિવસ પછી, ઈરાનના વિદેશ મંત્રી સૈયદ અબ્બાસ અરાગચીએ અમેરિકાને ખોટું પ્રિસીડન્ટ સેટ (ખોટું ઉદાહરણ) કરવાની ચેતવણી આપી છે અને ફ્રિગેટ ડેનાને “ભારતીય નૌકાદળનો મહેમાન” ગણાવ્યું છે.
આ યુદ્ધપોત પર 130 નાવિકો હતા, જે બુધવારે વહેલી સવારે શ્રીલંકાના દક્ષિણી તટ પાસે ડુબી ગયું હતું.
ગુરુવારે X પર પોસ્ટમાં અરાગચીએ લખ્યું કે “અમેરિકાએ ઈરાનના કિનારાથી 2,000 માઈલ દૂર સમુદ્રમાં અત્યાચાર કર્યો છે. ભારતીય નૌકાદળનો મહેમાન ફ્રિગેટ ડેના, જેમાં લગભગ 130 નાવિકો હતા, તેને આંતરરાષ્ટ્રીય જળમાં ચેતવણી વિના હુમલો કરીને ડુબાડવામાં આવ્યું. મારા શબ્દો યાદ રાખો, અમેરિકા આ નિર્ણય કરવા બદલ ખુબ જ મોટો પસ્તાવો થશે.” આ પોસ્ટને ઈરાની વિદેશ મંત્રાલયના હેન્ડલે પણ રીપોસ્ટ કરી છે.
પેન્ટાગોનની બ્રીફિંગમાં અમેરિકી ડિફેન્સ સેક્રેટરી પીટ હેગ્સેથે કહ્યું કે આ યુદ્ધપોત પરનો હુમલો બીજા વિશ્વ યુદ્ધ પછી દુશ્મન પરનો આવો પહેલો હુમલો છે. “એક અમેરિકી સબમરીને એવું ઈરાની યુદ્ધપોત ડુબાડ્યું જે આંતરરાષ્ટ્રીય જળમાં સુરક્ષિત માનતું હતું,” હેગ્સેથે કહ્યું કે, ” સુરક્ષિત મનાતા યુદ્ધ જહાજને ટોર્પેડોથી ડુબાડવામાં આવ્યું. શાંત મૃત્યુ.”
The U.S. has perpetrated an atrocity at sea, 2,000 miles away from Iran’s shores.
Frigate Dena, a guest of India’s Navy carrying almost 130 sailors, was struck in international waters without warning.
Mark my words: The U.S. will come to bitterly regret precedent it has set. pic.twitter.com/cxYiI9BLUk
— Seyed Abbas Araghchi (@araghchi) March 5, 2026
આ ઘટના અમેરિકા, ઈઝરાયલ અને ઈરાન વચ્ચે ઝડપથી વધી રહેલા સંઘર્ષના ભાગરૂપે બની છે.
ઈરાની નૌકાદળના સધર્ન ફ્લીટનું મૌજ-ક્લાસ ફ્રિગેટ IRIS ડેનાએ સ્થાનિક સમય અનુસાર સવારે આશરે 5:30 વાગ્યે ગાલે શહેરથી લગભગ 40 નોટિકલ માઈલ દૂર ડિસ્ટ્રેસ કોલ કર્યો હતો.
આ યુદ્ધપોત ગયા મહિને ભારતીય નૌકાદળ દ્વારા આયોજિત આંતરરાષ્ટ્રીય ફ્લીટ રિવ્યુ (IFR) અને મલ્ટીલેટરલ વ્યાયામ MILAN-2026માં ભાગ લીધો હતો. ભારતીય નૌકાદળે ફેબ્રુઆરીના ત્રીજા અઠવાડિયામાં વિશાખાપટ્ટનમમાં પહોંચેલા આ ફ્રિગેટને ઉષ્માભર્યું સ્વાગત કર્યું હતું.
આ IFR અને MILANમાં ભાગ લેવાનું નિયત અમેરિકી નૌકાદળનું ડિસ્ટ્રોયર USS પિંકની ઇમર્જન્ટ જરૂરિયાતોને કારણે ભાગ લઈ શક્યું નહોતું. જોકે અમેરિકી P-8 એરક્રાફ્ટ વ્યાયામમાં ભાગ લીધો હતો.
ભારતીય ડિફેન્સ સોર્સ અનુસાર આ ઘટના શ્રીલંકાના ઓપરેશન વિસ્તારમાં આવે છે. નવી દિલ્હી અને ભારતીય નૌકાદળે આ ઘટના પર હજુ સુધી કોઈ સત્તાવાર ટિપ્પણી કરી નથી.
આ પણ વાંચો- પુનઃપ્રારંભ : લોકતંત્ર, મીડિયા અને અમારી પ્રતિબદ્ધતા
