વોશિંગ્ટન ડીસીના ઐતિહાસિક નેશનલ મોલ પર 10 માર્ચ 2026ના રોજ એક એવી મૂર્તિ ઉભી થઈ જેણે અમેરિકી રાજકારણ અને સોશિયલ મીડિયાને હલાવી દીધું. આ મૂર્તિમાં અમેરિકી પ્રેસિડન્ટ ડોનાલ્ડ ટ્રમ્પ અને મૃત જાતીય અપરાધી જેફરી એપ્સ્ટીનને ‘ટાઇટેનિક’ ફિલ્મના આઇકોનિક સીનમાં બતાવવામાં આવ્યા છે. બંને હાથ ફેલાવીને ખુશી મનાવી રહેલા જહાજના આગળના ભાગ પર ઊભા. આ મૂર્તિનું નામ છે “The King of the World” – જે ફિલ્મમાં જેક દ્વારા કહેવાયેલા પ્રખ્યાત ડાયલોગ પરથી લેવામાં આવ્યું છે.
આ 12 ફૂટ ઊંચી, સુવર્ણ-રંગી મૂર્તિ અનામી કલાકારોના ગ્રુપ “The Secret Handshake” દ્વારા બનાવવામાં આવી છે. આ જ ગ્રુપે સપ્ટેમ્બર 2025માં પણ ટ્રમ્પ અને એપ્સ્ટીનને હાથ પકડીને ડાન્સ કરતા બતાવતી “Best Friends Forever” નામની મૂર્તિ લગાવી હતી, જેને પણ ઝડપથી રિમૂવ કરી દેવામાં આવી હતી. પરંતુ આ વખતે કલાકારોએ ફરી પોતાનો સંદેશ મજબૂત કર્યો છે.
મૂર્તિની સાથે લગાવેલા પ્લેક પર લખેલું છે કે “આ મોન્યુમેન્ટ ડોનાલ્ડ ટ્રમ્પ અને જેફરી એપ્સ્ટીન વચ્ચેના બોન્ડને સન્માન આપે છે. એક મિત્રતા જે લક્ઝરી ટ્રાવેલ, રેડી પાર્ટીઝ અને સિક્રેટ ન્યુડ સ્કેચ્સ પર બનેલી છે.”
આ મૂર્તિને નેશનલ પાર્ક સર્વિસે પરમિટ વગરની માનીને માત્ર 24 કલાકમાં જ રિમૂવ કરી દીધી હતી. પરંતુ તેની તસવીરો, વીડિયો અને મીમ્સ સોશિયલ મીડિયા પર ઝડપથી વાયરલ થઈ ગયા છે. કેટલાક લોકો તેને રાજકીય વિરોધનું બોલ્ડ અને કલાત્મક પ્રતિક માને છે, જ્યારે ટ્રમ્પના સમર્થકો તેને અપમાનજનક અને અનુચિત ગણાવે છે.
આ મૂર્તિ ટ્રમ્પ અને એપ્સ્ટીન વચ્ચેના જાણીતા સંબંધો પર સીધો કટાક્ષ કરે છે. એપ્સ્ટીનના જાતીય અપરાધોના કેસમાં ટ્રમ્પનું નામ અનેક વખત આવ્યું છે, જોકે ટ્રમ્પે હંમેશા કહ્યું છે કે તેઓએ એપ્સ્ટીન સાથેની મિત્રતા તોડી નાખી હતી. આ મૂર્તિ એ વાતને વ્યંગાત્મક રીતે ઉજાગર કરે છે કે રાજકીય નેતાઓના ભૂતકાળના સંબંધો કેટલા ગહન અને વિવાદાસ્પદ હોઈ શકે છે.
આ ઘટના અમેરિકી લોકશાહી અને અભિવ્યક્તિની સ્વતંત્રતાનું પણ એક પ્રતીક બની છે. જ્યાં આવા વ્યંગાત્મક આર્ટને જગ્યા મળે છે, પરંતુ તેને ઝડપથી દૂર કરવાની પ્રક્રિયા પણ ચાલુ રહે છે. કલાકારોનું કહેવું છે કે તેઓ આ મૂર્તિ દ્વારા લોકોને વિચારવા મજબૂર કરવા માંગે છે કે સત્તાશીલ વ્યક્તિઓના સંબંધો કેટલા પારદર્શક અને જવાબદાર હોવા જોઈએ.
આ પણ વાંચો –ભારતના ઇતિહાસમાં પ્રથમ વખત સુપ્રીમ કોર્ટે આપી ‘ઇચ્છા મૃત્યુ’ને મંજૂરી : પરિવારે શું કહ્યું?
