અમદાવાદ : અમદાવાદ સિટી પોલીસ કમિશનરેટ હેઠળ પોલીસ કમિશનરના અધ્યક્ષસ્થાને 16 એપ્રિલ, 2026ના રોજ ક્રાઈમ કોન્ફરન્સનું આયોજન કરવામાં આવ્યું હતું. આ બેઠકમાં શહેરના પોલીસ ઇન્સ્પેક્ટર, સહાયક પોલીસ કમિશનર, ડેપ્યુટી પોલીસ કમિશનર તેમજ જ્વોઇન્ટ અને એડિશનલ પોલીસ કમિશનર સ્તરના અધિકારીઓ ઉપસ્થિત રહ્યા હતા.
બેઠક દરમિયાન નવી નિમણૂક પામેલા અધિકારીઓને શહેર પોલીસની કાર્યપદ્ધતિ અંગે માર્ગદર્શન આપવામાં આવ્યું હતું. સાથે જ આવનારી સ્થાનિક સ્વરાજની ચૂંટણીઓને ધ્યાનમાં રાખીને કાયદો અને વ્યવસ્થાની તૈયારીઓ અંગે વિસ્તૃત ચર્ચા કરવામાં આવી હતી.
સૂત્રોના જણાવ્યા મુજબ, ચૂંટણી દરમિયાન શાંતિ, સુરક્ષા અને કાયદો-વ્યવસ્થા જળવાઈ રહે તે માટે જરૂરી પગલાં અંગે અધિકારીઓને દિશાનિર્દેશ આપવામાં આવ્યા હતા. ઉપરાંત, ગુનાઓની શોધખોળ અને દોષિતોને સજા થવાના દરમાં વધારો કરવા માટે ખાસ ચર્ચા યોજાઈ હતી.
પોલીસ તંત્ર દ્વારા ક્રાઈમ કોન્ફરન્સ મારફતે શહેરની સુરક્ષા વ્યવસ્થાને વધુ મજબૂત બનાવવાના પ્રયાસો હાથ ધરવામાં આવી રહ્યા છે.
આ પણ વાંચો – “ચાણક્ય પણ ચોંકી જાત”: પ્રિયંકા ગાંધીનો ભાજપ પર તંજ, મોદીએ કહ્યું- કોઈની સાથે અન્યાય નહીં
