સોમવારે સવારે દક્ષિણ કોલંબિયાના પુટુમાયો પ્રાંતમાં એક ભયાનક વિમાન દુર્ઘટના ઘટી છે. કોલંબિયન એરફોર્સનું Lockheed Martin Hercules C-130 ટ્રાન્સપોર્ટ વિમાન પ્યુર્ટો લેગુઈઝામો એરફિલ્ડ પરથી ટેકઓફ કરતાં જ ક્રેશ થઈ ગયું. આ વિમાનમાં આશરે 110 સૈનિકો (કેટલાક રિપોર્ટ્સમાં 114) સવાર હતા, જે સુરક્ષા દળોના સૈનિકોને લઈ જઈ રહ્યું હતું.
દેશના ડિફેન્સ મિનિસ્ટર પેડ્રો સાન્ચેઝે X પર જણાવ્યું કે, “આ એક દુ:ખદ અકસ્માત છે જે પ્યુર્ટો લેગુઈઝામોમાંથી ટેકઓફ દરમિયાન થયો છે.” વિમાન પેરુની સરહદ નજીકના આ અમેઝોન વિસ્તારમાં ક્રેશ થયું, જ્યાંથી રેસ્ક્યુ ટીમો તાત્કાલિક મોકલવામાં આવી છે.
🇨🇴 At least 20 soldiers survived and 90 died in a military plane crash in Colombia, according to Blu Radio.
At least 90 soldiers died this Monday after a Colombian Air Force C-130 Hercules military aircraft crashed in the town of Puerto Leguízamo, in the department of Putumayo,… https://t.co/BV5goGdAEH pic.twitter.com/Yi0gycfsO9
— The Daily News (@DailyNewsJustIn) March 23, 2026
સોશિયલ મીડિયા પર વાયરલ થયેલા વીડિયોમાં વિમાનનો કાટમાળ અને ભીષણ આગની જ્વાળાઓ દેખાઈ રહી છે. સ્થાનિક મીડિયા અને અધિકારીઓ અનુસાર, કેટલાક લોકોને બચાવવામાં આવ્યા છે (કેટલાક રિપોર્ટ્સમાં 20થી 67 ઘાયલોની વાત છે), પરંતુ જાનહાનિની સંખ્યા હજુ સ્પષ્ટ નથી. કેટલાક સ્ત્રોતોમાં 90થી વધુ મોતની આશંકા વ્યક્ત કરવામાં આવી છે.
અકસ્માતનું કારણ હજુ જાણી શકાયું નથી અને તપાસ ચાલુ છે. આ વિસ્તાર પેરુ અને ઈક્વાડોરની સરહદ નજીક આવેલો છે, જ્યાં સુરક્ષા કામગીરીઓ ચાલતી હોય છે.
આ પણ વાંચો – પેટ્રોલ-ડીઝલનો પૂરતો જથ્થો હોવાની ગુજરાત સરકારની સ્પષ્ટતા છતાં…
