નવી દિલ્હી : ભારતીય ચૂંટણી પંચે પશ્ચિમ બંગાળ, આસામ, તમિલનાડુ, કેરળ અને પુડુચેરીમાં વિધાનસભા ચૂંટણીના સંપૂર્ણ કાર્યક્રમની આજે સત્તાવાર જાહેરાત કરી છે. આ પાંચ રાજ્યો/કેન્દ્રશાસિત પ્રદેશમાં કુલ 824 બેઠકો પર ચૂંટણી યોજાશે, જેમાં અંદાજે 17.4 કરોડ મતદારો મતદાન કરશે. આ માટે 2.19 લાખથી વધુ મતદાન કેન્દ્રો ઊભા કરવામાં આવશે અને 25 લાખથી વધુ અધિકારી-કર્મચારીઓ ફરજ બજાવશે.
મતદાન અને પરિણામની તારીખો
આસામ, કેરળ, પુડુચેરી: એક જ તબક્કામાં 9 એપ્રિલે મતદાન, 4 મેના રોજ પરિણામ
તમિલનાડુ: એક તબક્કામાં 23 એપ્રિલે મતદાન, 4 મેના રોજ પરિણામ
પશ્ચિમ બંગાળ: બે તબક્કામાં 23 અને 29 એપ્રિલે મતદાન, 4 મેના રોજ પરિણામ
બેઠકોની વિગત
પશ્ચિમ બંગાળ – 294 બેઠકો
તમિલનાડુ – 234 બેઠકો
કેરળ – 140 બેઠકો
આસામ – 126 બેઠકો
પુડુચેરી – 30 બેઠકો
ગુજરાતમાં પેટા-ચૂંટણીની જાહેરાત
ગુજરાત વિધાનસભાની ઉમરેઠ બેઠક પર ધારાસભ્ય ગોવિંદભાઈ પરમારના અવસાન બાદ બેઠક ખાલી પડી છે. આ બેઠક પર પેટા-ચૂંટણી 23 એપ્રિલે યોજાશે અને પરિણામ 4 મેના રોજ જાહેર થશે. આ પેટા-ચૂંટણી પણ ઉપરોક્ત તારીખો સાથે જ યોજાશે.
વિધાનસભાનો કાર્યકાળ સમાપ્ત થવાની તારીખો
પશ્ચિમ બંગાળ – 7 મે
તમિલનાડુ – 10 મે
આસામ – 20 મે
કેરળ – 23 મે
પુડુચેરી – 15 જૂન
ચૂંટણી પંચે સુરક્ષા, પારદર્શિતા અને નિષ્પક્ષતા સાથે ચૂંટણી પ્રક્રિયા પૂર્ણ કરવા માટે વિશેષ વ્યવસ્થા કરી છે. આ ચૂંટણીઓમાં મોટા પાયે EVM-VVPATનો ઉપયોગ થશે અને વેબકાસ્ટિંગ સહિતની અદ્યતન ટેક્નોલોજીનો ઉપયોગ કરવામાં આવશે.
આ પણ વાંચો – અમદાવાદ : હેબતપુર (શીલજ) કન્સ્ટ્રક્શન સાઇટ પર શ્રમિકનું દુર્ભાગ્યપૂર્ણ મોત, સેફ્ટી નેટ-બેલ્ટના અભાવે ગયો જીવ
