ગુજરાત સરકારનો મોટો નિર્ણય: વહીવટી તંત્ર બાદ હવે પોલીસ વિભાગમાં 48 PSI ની સીધી ઇન્ટેલિજન્સ બ્યુરોમાં બદલી

ગાંધીનગર: રાજ્યના વહીવટી તંત્રને વધુ સુગઠિત અને કાર્યક્ષમ બનાવવા માટે સરકાર દ્વારા બદલીઓનો મોટો દોર શરૂ કરવામાં આવ્યો છે. સવારે 28 IAS અને 13 GAS અધિકારીઓની ટ્રાન્સફરના આદેશો જારી કર્યા બાદ, મોડી સાંજે પોલીસ વિભાગમાં પણ મોટો ફેરફાર જોવા મળ્યો છે. રાજ્યના વિવિધ જિલ્લાઓમાં ફરજ બજાવતા 48 જેટલા પોલીસ સબ ઇન્સ્પેક્ટર્સ (PSI) ની સીધી ગાંધીનગર સ્થિત ઇન્ટેલિજન્સ બ્યુરો (IB) માં બદલી કરવામાં આવી છે.

આ તમામ ટ્રાન્સફર અંગે સામાન્ય વહીવટ વિભાગના ઉપસચિવ જેમીન શાહ દ્વારા સંબંધિત વિભાગો અને અધિકારીઓને જરૂરી સૂચનાઓ આપી દેવામાં આવી છે.

List of Transferred PSIs

પાંચ જિલ્લાઓને મળ્યા નવા DDO

જિલ્લા વિકાસ અધિકારી (DDO) ની કક્ષાએ પણ મહત્વના ફેરફારો થયા છે. રાજ્યના નીચે મુજબના 5 જિલ્લાઓમાં નવા DDO ની નિમણૂક કરાઈ છે.

અમરેલી: એચ. જે. પ્રજાપતિ

દેવભૂમિ દ્વારકા: કે. પી. જોશી

ગાંધીનગર: ડી. કે. બ્રહ્મભટ્ટ

દાહોદ: હિરેન જિતેન્દ્રભાઈ બારોટ

ડાંગ-આહવા: કે. એસ. ઝાલા

રાજકોટના ચર્ચિત જંગલેશ્વર ડિમોલિશનની તપાસ પર લટકતી તલવાર
અધિકારીઓની આ બદલીઓના કારણે રાજકોટના ચર્ચિત જંગલેશ્વર મેગા ડિમોલિશનની તપાસમાં વિલંબ થવાની શક્યતાઓ સેવાઈ રહી છે. PGVCL ના MD કેતન જોશીની દેવભૂમિ દ્વારકાના DDO તરીકે બદલી થતાં આ તપાસ કમિટી હવે નેતૃત્વ વિહોણી બની છે. નોંધનીય છે કે, ડિમોલિશનના બિલ અંગેની તપાસ કમિટીના અધ્યક્ષ તરીકે અગાઉ ચેતન નંદાણી પાસેથી તપાસ આંચકીને કેતન જોશીને સોંપાઈ હતી. હવે તેમની બદલી થતાં આ મહત્વની તપાસ કમિટીની કમાન કોને સોંપવામાં આવે છે તે એક મોટો સવાલ ઉભો થયો છે.

નિગમો અને બોર્ડમાં સોંપાઈ નવી જવાબદારીઓ

મહત્વના સરકારી નિગમોમાં પણ નિમણૂકો કરાઈ છે, જે નીચે મુજબ છે.

એમ. પી. પંડ્યા: મેનેજિંગ ડિરેક્ટર, ગુજરાત મેડિકલ સર્વિસિસ કોર્પોરેશન લિમિટેડ

સી. બી. ગણાત્રા: મેનેજિંગ ડિરેક્ટર, ગુજરાત સ્ટેટ સિવિલ સપ્લાયઝ કોર્પોરેશન લિમિટેડ

બી. કે. જોશી: રજિસ્ટ્રાર ઓફ કો-ઓપરેટિવ સોસાયટીઝ

પી. બી. રાઠોડ: ડિરેક્ટર, સ્કિલ ડેવલપમેન્ટ

આ પણ  વાંચો – ગુજરાત વહીવટી તંત્રમાં મોટો ફેરફાર : 28 IAS અને 13 GAS અધિકારીઓની બદલી, જુઓ કોને કયો હવાલો મળ્યો