અભિષેક પાંડેય, અમદાવાદ : ગુજરાત ફાઇબર ગ્રીડ નેટવર્ક લિમિટેડ(GFGNL) માં GM (General Manager- Commercial) તરીકે કાર્યરત કલ્પેશકુમાર ભક્તિભાઈ પટેલ સામે આર્થિક અપરાધ અને સરકારી દસ્તાવેજોમાં આપરાધિક ગેરરીતિ આચરવાના આરોપ સાથે ફરિયાદ થઈ છે. પ્રાપ્ત માહિતી મુજબ તેમની વિરુદ્ધ દસ્તાવેજોમાં ગડબડ, આપરાધિક સ્વભાવની આર્થિક ગેરરીતિઓ, સત્તાનો દુરુપયોગ અને નાણાકીય વ્યવહારોમાં પારદર્શિતાના અભાવ જેવા ગંભીર મુદ્દાઓ ઉઠાવવામાં આવ્યા છે.
માહિતી મુજબ GM કલ્પેશ પટેલ સામે નાણાકીય વ્યવહારો અને તેમની ભૂમિકાની વિગતવાર તપાસની માંગ કરવામાં આવી છે. તેમાં સંભવિત આપરાધિક સ્વભાવના આર્થિક અપરાધ, સરકારી દસ્તાવેજોમાં આપરાધિક છેડછાડ અને સત્તાનો ઉપયોગ કરીને વ્યક્તિગત લાભ મેળવવાના મુદ્દાઓનો ઉલ્લેખ કરવામાં આવ્યો હોવાનું જાણવા મળે છે. તેમજ સરકારી દસ્તાવેજોમાં ગંભીર પ્રકારની છેડછાડ કરવામાં આવી હોવાના આક્ષેપ પણ કરવામાં આવ્યા છે.
કલ્પેશ પટેલ વિરુદ્ધ મલ્ટિપલ ફાઇનાન્શિયલ ગેરરીતિઓની ફરિયાદ કરવામાં આવી છે. તેમાં સૌથી ગંભીર આક્ષેપ એ છે કે તેઓ PSU કર્મચારી હોવા છતાં પ્રાઇવેટ ફાઇનાન્શિયલ ઓર્ગેનાઇઝેશન સાથે સંકળાયેલા છે તેમજ તેના લાભાર્થી છે. નિયમો મુજબ આવી સંડોવણી સ્પષ્ટ રીતે નિયમો વિરુદ્ધ ગણાય છે, જેના કારણે આ મુદ્દો વધુ સંવેદનશીલ બન્યો છે.
ફરિયાદોમાં દસ્તાવેજી ગેરરીતિઓના મુદ્દાઓ ઉઠાવવામાં આવ્યા છે. ફરિયાદમાં સરકારી દસ્તાવેજોમાં છેડછાડ કરીને આર્થિક લાભ મેળવવાનો પ્રયાસ થયો હોવાના આક્ષેપો સામેલ છે. આ પ્રકારના આક્ષેપો માત્ર વિભાગીય નહીં પરંતુ ફોજદારી તપાસ સુધી પહોંચે તેવી ગંભીરતા ધરાવે છે.
ફરિયાદ બાદ અગાઉ થયેલી ફરિયાદો પણ ફરી ચર્ચામાં આવી ગઈ છે. અગાઉની ફરિયાદોમાં કલ્પેશ પટેલ સામે ડાર્ક ફાઇબરના ગેરકાયદેસર ઉપયોગ, vendor-based ગેરરીતિઓ અને કમિશનખોરીના આક્ષેપો કરવામાં આવ્યા હતા. આક્ષેપો મુજબ ચોક્કસ vendor ને લાભ પહોંચાડવા માટે પ્રક્રિયામાં હસ્તક્ષેપ કરવામાં આવ્યો હોવાનો દાવો કરવામાં આવ્યો હતો.
સૂત્રો મુજબ આ ફરિયાદ સાથે સંબંધિત દસ્તાવેજો પણ રજૂ કરવામાં આવ્યા છે. જાણકારો માને છે કે આ આક્ષેપો ગંભીર સ્વરૂપના છે, તો તેની તપાસ અનિવાર્ય બની જાય છે.
આ પણ વાંચો – સીઈસી જ્ઞાનેશ કુમારને હટાવવા માટે વિપક્ષ સંસદમાં ફરીથી લાવશે પ્રસ્તાવ
