તેહરાન : અમેરિકાએ ઈરાનના સૌથી ઊંચા અને મહત્ત્વના B1 પુલ પર હવાઈ હુમલો કર્યો છે. આ હુમલાના જવાબમાં ઈરાને ખાડીના દેશો અને જોર્ડનમાં આવેલા 8 મોટા પુલોની યાદી જાહેર કરી છે અને કહ્યું છે કે હવે આમાંથી કોઈ પણ પુલ બચશે નહીં. ઈરાનની અર્ધ-સરકારી મીડિયા એજન્સી FARSએ આ ‘હિટ લિસ્ટ’ જાહેર કરી છે.
આ યાદીમાં નીચેના મુખ્ય પુલોના નામ સામેલ છ
જબાર-અલ-અહમદ સી બ્રિજ – કુવૈત
શેખ ઝાયેદ બ્રિજ – UAE
અલ-મક્તા બ્રિજ – UAE
શેખ ખલીફા બ્રિજ – UAE
કિંગ ફહાદ કોઝવે – સઉદી અરેબિયા અને બહેરીનને જોડતો પુલ
કિંગ હુસૈન બ્રિજ – જોર્ડન
દામિયા બ્રિજ – જોર્ડન
અબ્દુન બ્રિજ – જોર્ડન
અમેરિકી રાષ્ટ્રપતિ ડોનાલ્ડ ટ્રમ્પે B1 પુલ પરના હુમલાનો વીડિયો સોશિયલ મીડિયા પર પોસ્ટ કર્યો હતો, જેમાં પુલમાં આગ લાગી હોવાનું અને ઘનઘોર ધુમાડો નીકળતો જોવા મળે છે. ટ્રમ્પે ચેતવણી આપી છે કે જો ઈરાને પોતાનું વલણ ન બદલ્યું તો તેને ભારે નુકસાન થઈ શકે છે.
ઈરાનના વિદેશ મંત્રી અબ્બાસ અરાઘચીએ કહ્યું કે સામાન્ય નાગરિકો સાથે જોડાયેલી ઇમારતો અને પુલો પરના હુમલાઓ ઈરાનીઓને ક્યારેય ઘૂંટણીયે નહીં લાવી શકે.
B1 પુલ વિશે
આ પુલ મધ્ય પૂર્વનો સૌથી ઊંચો પુલ માનવામાં આવે છે (લગભગ 136 મીટર ઊંચો).
તે તેહરાનને ઉત્તરી વિસ્તારો સાથે જોડે છે.
પુલની લંબાઈ આશરે 1050 મીટર છે અને તેના પર આ વર્ષે જ ટ્રાફિક શરૂ થયો હતો.
આ પ્રોજેક્ટની કુલ કિંમત આશરે 400 મિલિયન ડોલર (લગભગ 3,800 કરોડ રૂપિયા) હતી.
આ હુમલાને અમેરિકાએ કર્યો હોવાનું માનવામાં આવે છે. ઇઝરાયેલી ડિફેન્સ ફોર્સ (IDF)એ કહ્યું હતું કે તેમને આ હુમલાની જાણ નહોતી.આ ઘટનાથી મધ્ય પૂર્વમાં તણાવ વધુ વધવાની આશંકા છે, કારણ કે ઈરાને જાહેર કર્યું છે કે તે પોતાના દેશના પુલ પરના હુમલાનો જવાબ આપવા માટે ખાડીના દેશોના મહત્ત્વના પુલોને નિશાન બનાવી શકે છે.
આ પણ વાંચો –‘મોદીના ડરથી બોલતા નથી?’- રાઘવ ચઢ્ઢા પર આમ આદમી પાર્ટીનો આકરો હુમલો
