ગાંધીનગર: રાજ્યના ગૃહ વિભાગે પોલીસ પ્રશાસનને વધુ સક્રિય અને કાર્યક્ષમ બનાવવા માટે મહત્ત્વનો નિર્ણય લીધો છે. આ અંતર્ગત 35 જેટલા પોલીસ અધિકારીઓની આંતરિક બદલી કરવામાં આવી છે અને અનેક અધિકારીઓને તેમના વર્તમાન હોદ્દા ઉપરાંત વધારાના ચાર્જ પણ સોંપવામાં આવ્યા છે.
ગૃહ વિભાગના જાહેરનામા મુજબ, આ ફેરબદલી તાત્કાલિક અસરથી અમલમાં મુકવામાં આવી છે. આમાં મુખ્યત્વે DySP અને પોલીસ ઇન્સ્પેક્ટર કક્ષાના અધિકારીઓ સામેલ છે. આ અધિકારીઓને હવે તેમના હાલના પદ ઉપરાંત નવી જવાબદારીઓ પણ સોંપાઈ છે.
મુખ્ય પરિવર્તન
ખાસ કરીને SC/ST સેલના અધિકારીઓને વિવિધ ડિવિઝનમાં SDPO (સબ ડિવિઝનલ પોલીસ ઓફિસર) તરીકે વધારાનો કાર્યભાર સોંપવામાં આવ્યો છે.
આ યાદીમાં સુરત, અમદાવાદ ગ્રામ્ય, ખેડા, સાબરકાંઠા, મહેસાણા અને અમરેલી સહિતના અનેક જિલ્લાઓના અધિકારીઓનો સમાવેશ થાય છે.
આ ફેરબદલી અને વધારાના ચાર્જનો હેતુ પોલીસ વહીવટને વધુ સુગમ, ત્વરિત અને અસરકારક બનાવવાનો છે. ગૃહ વિભાગે આ પગલાંને પોલીસ વ્યવસ્થાને મજબૂત કરવા તરફનું મહત્ત્વનું કદમ ગણાવ્યું છે. આ નિર્ણયથી અસરગ્રસ્ત અધિકારીઓએ તાત્કાલિક પોતાના નવા કાર્યભાર અનુસાર જવાબદારીઓ સંભાળવાની રહેશે.
આ પણ વાંચો – ખંભાળિયા પોલીસ સ્ટેશનમાં હોબાળો: આમ આદમી પાર્ટીના પ્રદેશ પ્રમુખ ઈસુદાન ગઢવી સહિત ૫૦ કાર્યકરોની અટકાયત
