અમદાવાદ : કેન્દ્ર સરકારમાં જ્વોઇન્ટ સેક્રેટરી અથવા સમકક્ષ પદ માટે થયેલા તાજા અને વ્યાપક એમ્પેનલમેન્ટથી વરિષ્ઠ પ્રશાસનિક નેતૃત્વને નોંધપાત્ર મજબૂતી મળી છે. વિવિધ ઓલ ઇન્ડિયા અને સેન્ટ્રલ સેવાઓમાંથી અધિકારીઓને સામેલ કરીને કેન્દ્રે પોતાના પોલિસી, નીતિ અમલીકરણ અને ગવર્નન્સ માળખાને વધુ સંતુલિત અને બહુમુખી બનાવવાનો પ્રયાસ કર્યો છે.
ગુજરાત માટે ખાસ મહત્વપૂર્ણ બાબત એ છે કે ગુજરાત કેડરના 2005 બેચના IAS અધિકારી અને હાલ મુખ્યમંત્રીના સચિવ તરીકે કાર્યરત વિક્રાંત પાંડેને આ યાદીમાં સ્થાન મળ્યું છે. રાજ્યના વહીવટી અને નીતિ સ્તરે સક્રિય ભૂમિકા ભજવતા પાંડેય ગ્રાઉન્ડના અનુભવ અને નીતિ અમલીકરણની તેમની સમજને ધ્યાનમાં લેતા, તેમનો સમાવેશ ગુજરાત માટે ગૌરવપૂર્ણ તેમજ પ્રભાવ વિસ્તરણની તક તરીકે જોવામાં આવી રહ્યો છે.
આ એમ્પેનલમેન્ટ પ્રક્રિયામાં IPS, IAS, IA&AS, IRS (ઇન્કમ ટેક્સ), IRAS, IRTS અને CSS જેવી સેવાઓના અધિકારીઓનો સમાવેશ થાય છે. 1998થી 2005 સુધીની બેચને આવરી લેતી આ યાદી અનુભવ અને યુવા નેતૃત્વ વચ્ચે સંતુલન સ્થાપિત કરે છે, જ્યારે CSSના SSGSL 2020 અને 2021 બેન્ચના અધિકારીઓનો સમાવેશ સંસ્થાકીય સાત્તત્યને મજબૂતી આપે છે.
IPSમાં 1998થી 2004 બેચના અધિકારીઓને વ્યાપક રીતે સામેલ કરવામાં આવ્યા છે, જેમાં બિહાર, તમિલનાડુ, કેરળ, ઉત્તર પ્રદેશ, મધ્ય પ્રદેશ, આસામ-મેઘાલય, હરિયાણા, હિમાચલ પ્રદેશ અને AGMUT જેવા વિવિધ કેડરોનું પ્રતિનિધિત્વ જોવા મળે છે. બિહાર કેડરના રત્ન સંજય કાતિયાર (1998) અને આસામ-મેઘાલયના દીપક કુમાર કેડિયા (1999)ને સેકન્ડ રિવ્યુ હેઠળ એમ્પેનલ કરવામાં આવ્યા છે. કેરળના તરુણ કુમાર (2000) અને ઉત્તર પ્રદેશના પ્રવીણ કુમાર (2001)ને પણ સેકન્ડ રિવ્યુ હેઠળ સ્થાન મળ્યું છે, જ્યારે તમિલનાડુના નજમુલ હોદા (2001)ને ઇનિશિયલ લેફ્ટઓવર કેટેગરીમાં સામેલ કરવામાં આવ્યા છે.
2003 બેચમાંથી કેરળના સિદ્ધાર્થ શશ્ની અને તમિલનાડુના અમિત કુમાર સિંહને ફર્સ્ટ રિવ્યુ હેઠળ સ્થાન મળ્યું છે. 2004 બેચમાં મધ્ય પ્રદેશના ઇર્શાદ વાલી અને તમિલનાડુની સી. માગેશ્વરીને ઇનિશિયલ લેફ્ટઓવર હેઠળ, જ્યારે AGMUTના એન. જ્ઞાનસમ્બંદન અને પી. કરુણાકરણ તથા હિમાચલ પ્રદેશની સોનલ મોહન અગ્નિહોત્રીને ફર્સ્ટ રિવ્યુ હેઠળ યાદીમાં સ્થાન મળ્યું છે. સાથે જ 1998 બેચના વિકાસ કુમાર અરોરા (હરિયાણા) અને સાજિદ ફરીદ શાપૂ (મધ્ય પ્રદેશ)ને પણ ફર્સ્ટ રિવ્યુમાં સ્થાન મળ્યું છે.
IA&ASમાં 2000, 2003 અને 2004 બેચના અધિકારીઓને સ્થાન આપવામાં આવ્યું છે. 2000 બેચના સતીશ સેથીને સેકન્ડ રિવ્યુ હેઠળ, જ્યારે 2003ના શૈલેશ કુમાર જાખોટિયા અને 2004ના કાર્તિકેયે માથુરને ફર્સ્ટ રિવ્યુ હેઠળ એમ્પેનલ કરવામાં આવ્યા છે, જેનાથી નાણાકીય દેખરેખ અને ઓડિટ ક્ષેત્રે કેન્દ્રને મજબૂતી મળશે.
IRS (ઇન્કમ ટેક્સ)માં 2000, 2003 અને 2004 બેચના અધિકારીઓને મહત્વપૂર્ણ સ્થાન મળ્યું છે. 2000 બેચના શિયોદાન સિંહ ભદોરિયાને ફર્સ્ટ રિવ્યુ હેઠળ, જ્યારે 2003 બેચમાંથી કૃષ્ણ ગોપાલ ગોયલ, નીતીકા બન્સલ અને વિવેક શર્મા તથા 2004 બેચમાંથી ભરત ભૂષણ ગર્ગ, કે.સી. સેલ્વમણી, પ્રજ્ઞા પરમિતા અને ઋષ્પાલ બેદીને ફર્સ્ટ રિવ્યુ હેઠળ સામેલ કરવામાં આવ્યા છે. આ અધિકારીઓ કર પ્રણાલી અને રેવન્યુ ગવર્નન્સમાં મહત્વપૂર્ણ ભૂમિકા ભજવશે.
IRASમાં 1999 બેચની દીપા કોટનિસને ઇનિશિયલ લેફ્ટઓવર હેઠળ અને 2005 બેચના બિક્રમ સિંહ ગિલને ઇનિશિયલ કેટેગરી હેઠળ સ્થાન મળ્યું છે, જેનાથી રેલવેના નાણાકીય વ્યવસ્થાપનનો અનુભવ કેન્દ્ર સુધી પહોંચશે.
IRTSમાં 2005 બેચના અનુરાગ પટેરિયા, એમ. યેલવેન્દ્ર યાદવ અને સ્વર્ણા રમેશ બાબુને ઇનિશિયલ કેટેગરી હેઠળ એમ્પેનલ કરવામાં આવ્યા છે, જે પરિવહન અને લોજિસ્ટિક્સ ક્ષેત્રે કેન્દ્ર સરકારને મજબૂતી આપશે.
CSSમાં પણ SSGSL 2021 બેચમાંથી આનંદી વેંકટેશ્વરન, જિતેન્દ્ર કે. મહેન, કન્વર એમ.એસ. ખાલસા અને પવનેશ કુમાર શર્માને સ્થાન મળ્યું છે, જ્યારે SSGSL 2020 બેચમાંથી અનિતા ત્રિપાઠી, આશિષ વી. ગવઈ, જી.એસ. ચિત્રા, જિતેન્દ્ર આર. ગાયકવાડ અને શોભના પ્રમોદને એમ્પેનલ કરવામાં આવ્યા છે. આ અધિકારીઓ સચિવાલય સ્તરે નીતિ સંકલન અને પ્રશાસનિક પ્રક્રિયાઓમાં મહત્વપૂર્ણ અનુભવ ધરાવે છે.
આ સમગ્ર એમ્પેનલમેન્ટ કેન્દ્ર સરકારના તે અભિગમને સ્પષ્ટ કરે છે જેમાં વિવિધ ક્ષેત્રોના અનુભવી અધિકારીઓને સાથે લાવીને વધુ અસરકારક અને સમન્વિત ગવર્નન્સ સુનિશ્ચિત કરવામાં આવે છે.
આ પણ વાંચો – ખુશીનો પ્રસંગ માતમના ફેરવાયો: વલસાડના કપરાડામાં લગ્નપ્રસંગથી પરત ફરતી પીકઅપ વાન પલટી, 6ના મોત
અભિષેક પાંડેય
સંપાદક, ગુજરાત એક્સક્લૂસિવ
