વેનેઝુએલામાં 7.5 ની તીવ્રતાનો મહાવિનાશક ભૂકંપ: USGS ની ડરામણી ચેતવણી- 10,000 ને પાર થઈ શકે છે મૃત્યાંક -

કરાકસ: દક્ષિણ અમેરિકાના દેશ વેનેઝુએલામાં બુધવારે આવેલા ભયાનક ભૂકંપે ભારે તબાહી મચાવી છે. આ ભૂકંપ અત્યાર સુધીની સૌથી મોટી માનવ સર્જિત અને કુદરતી આફતોમાં ફેરવાઈ રહ્યો હોય તેવા હૃદયદ્રાવક દ્રશ્યો સામે આવ્યા છે. યુનાઈટેડ સ્ટેટ્સ જીઓલોજિકલ સર્વે (USGS) દ્વારા એક અત્યંત ચોંકાવનારી ચેતવણી જારી કરવામાં આવી છે, જે મુજબ આ દુર્ઘટનામાં મૃત્યુઆંક 10,000 (દસ હજાર) ને પાર થઈ શકે છે. રાજધાની કરાકસ સહિત દેશના અનેક વિસ્તારોમાં બહુમાળી ઇમારતો ધરાશાયી થઈ ચૂકી છે અને હજારો લોકો પોતાનો જીવ બચાવવા રસ્તાઓ પર રાત વિતાવવા મજબૂર બન્યા છે.

માત્ર 40 સેકન્ડના અંતરમાં આવ્યા 2 પ્રચંડ આંચકા

અમેરિકન ભૂસ્તરશાસ્ત્રીય સર્વેક્ષણ (USGS) ના ડેટા મુજબ, વેનેઝુએલાના ઉત્તરી દરિયાકાંઠાના વિસ્તારમાં ભૂકંપના બે અત્યંત શક્તિશાળી આંચકા અનુભવાયા હતા:

🔴🇻🇪#venezuela | Primeros videos #sismo Un terremoto de magnitud 7,1 golpea A 41 km de Puerto Cabello, Carabobo, Venezuela ·video en caracas #Terremotoven #terremoto #venezuela #earthquake,#joshtve 📷Video: 10 #venezuelaterremoto #temblor #venezuelaearthquake #caracas pic.twitter.com/iNn6SXlRLQ

— Joshtve_ (@Joshtve_) June 24, 2026

પ્રથમ આંચકો (Foreshock): 7.1 ની તીવ્રતાનો હતો.

બીજો મુખ્ય આંચકો (Mainshock): બરાબર 40 સેકન્ડ બાદ 7.5 ની તીવ્રતાનો મહાવિનાશક આંચકો ત્રાટક્યો હતો.

આ ધરતીકંપનું કેન્દ્રબિંદુ દેશની સૌથી મોટી ઓઈલ રિફાઈનરીઓ માટે જાણીતા વિસ્તાર મૌન્ટાલ્બાનથી ઉત્તર-પશ્ચિમમાં 28 કિલોમીટર દૂર નોંધાયું હતું. ભૂકંપ એટલો શક્તિશાળી હતો કે તેની અસર ઘટનાસ્થળથી આશરે 1,700 કિલોમીટર દૂર આવેલા બ્રાઝિલના એમેઝોન વિસ્તાર સુધી અનુભવાઈ હતી, જ્યાં સુરક્ષાના ભાગરૂપે અનેક ઇમારતો ખાલી કરાવવી પડી હતી.

ÚLTIMA HORA | Se registra poderoso terremoto de 7,1 de magnitud en Venezuela: reportan colapsos de varias edificaciones en la parroquia El Paraíso en Caracas https://t.co/vVhsFVi6Mi pic.twitter.com/A4x5uhuMdb

— AlbertoRodNews (@AlbertoRodNews) June 24, 2026

તબાહીના હૃદયકંપાવી દે તેવા દ્રશ્યો અને બ્લેકઆઉટ

ચશ્મદીદોના જણાવ્યા અનુસાર, આંખના પલકારામાં જ બહુમાળી ઇમારતો પત્તાના મહેલની જેમ ધરાશાયી થઈ ગઈ હતી. રસ્તાઓ પર કાટમાળ અને લોકોના ઘરવખરીનો સામાન વિખરાયેલો જોવા મળ્યો હતો, જ્યારે ક્ષતિગ્રસ્ત વિસ્તારોમાં ધૂળના કાળાડિબાંગ ગુબાર છવાઈ ગયા હતા.

આ આપત્તિ વચ્ચે વેનેઝુએલાના અનેક ભાગોમાં સેલફોન નેટવર્ક અને સિગ્નલ સંપૂર્ણપણે ઠપ્પ થઈ જતાં ‘બ્લેકઆઉટ’ જેવી સ્થિતિ સર્જાઈ છે. લોકો કાટમાળ નીચે દબાયેલા કે ગુમ થયેલા પોતાના પરિવારજનોનો સંપર્ક કરી શકતા નથી.

Ese edificio se jodió. Q horror. #terremoto #earthquake #venezuela pic.twitter.com/D8vclnCZyl

— 🅼🅼🅰🆁🅸🅿🅾🆂🅰 🇵🇷 (@MMariposa31) June 25, 2026

સુનામીનું એલર્ટ પાછું ખેંચાયું

આ દરમિયાન એક રાહતના સમાચાર એ છે કે, અમેરિકાના પેસિફિક સુનામી વોર્નિંગ સેન્ટર દ્વારા શરૂઆતમાં પ્યુર્તો રિકો અને વર્જિન આઇલેન્ડ્સ માટે જારી કરવામાં આવેલું સુનામીનું એલર્ટ વૈજ્ઞાનિક વિશ્લેષણ બાદ સત્તાવાર રીતે પાછું ખેંચી લેવામાં આવ્યું છે. પાડોશી દેશ મેક્સિકોએ પણ આ મુશ્કેલ સમયમાં વેનેઝુએલા પ્રત્યે ઊંડી સહાનુભૂતિ વ્યક્ત કરી છે.

🚨#URGENTE | Terremoto en Caracas #Venezuela 🇻🇪 pic.twitter.com/cdabSD5sn5

— 𝐸𝑎𝑠𝑦 𝐵𝑖𝑏𝑙𝑖𝑎 📖 (@Easy_Biblia) June 24, 2026

કાર્યવાહક રાષ્ટ્રપતિ સામે લોકો અને વિપક્ષનો રોષ

ભારે તબાહીના કલાકો વીતી ગયા હોવા છતાં, કાર્યવાહક રાષ્ટ્રપતિ ડેલ્સી રોડ્રિગ્ઝ દ્વારા ઘાયલો કે મૃતકોના ચોક્કસ આંકડા જાહેર ન કરવા અને દેશને તાત્કાલિક સંબોધન ન કરવા બદલ સ્થાનિક નાગરિકો અને રાજકારણીઓ દ્વારા તેમની આકરી ટીકા થઈ રહી છે. બીજી તરફ, વિદેશમાં રહેતા વિરોધ પક્ષના નેતા મારિયા કોરિના મચાદોએ ‘X’ (ટ્વિટર) પર દેશવાસીઓને આ કપરા સમયમાં હિંમત, શાંતિ અને એકતા જાળવી રાખવા માટે અપીલ કરી છે.