ગાંધીનગર: ગુજરાતમાં રાઈટ ટુ એજ્યુકેશન (RTE) ઍક્ટ અંતર્ગત નબળા અને વંચિત વર્ગના બાળકોને ખાનગી શાળાઓમાં ધોરણ-1માં નિઃશુલ્ક પ્રવેશ મેળવવાની પ્રક્રિયા આગામી 4 એપ્રિલ 2026થી શરૂ થશે.
પ્રાથમિક શિક્ષણ નિયામકે આ અંગે નોટિફિકેશન જાહેર કરીને જાણકારી આપી છે. આ પ્રક્રિયા 17 એપ્રિલ 2026 સુધી ચાલશે. ઈચ્છુક વાલીઓએ rte.orpgujarat.com આ સત્તાવાર વેબસાઈટ પર જઈને ઓનલાઈન ફોર્મ ભરવાનું રહેશે. ફોર્મ ભર્યા પછી તેને ક્યાંય જમા કરાવવાની જરૂર નથી.
RTE ઍક્ટ 2009 અંતર્ગત શું છે?
RTE ઍક્ટ હેઠળ નબળા અને વંચિત પરિવારોના બાળકોને બિન-અનુદાનિત ખાનગી શાળાઓમાં વિનામૂલ્યે ધોરણ-1માં પ્રવેશ મેળવવાનો અધિકાર છે. આ યોજનાનો હેતુ દરેક બાળકને ગુણવત્તાયુક્ત શિક્ષણ મળે તેની ખાતરી કરવાનો છે.
મહત્ત્વની વાતો
ફોર્મ ભરતી વખતે જરૂરી આધાર-પુરાવા (જેમ કે આવકનું પ્રમાણપત્ર, આધાર કાર્ડ, જન્મ પ્રમાણપત્ર વગેરે)ની વિગતો વેબસાઈટ પરથી અપલોડ કરી શકાશે. જો તમારા પાસે આવકનું પ્રમાણપત્ર નહોય તો પણ તમે ઓનલાઈન કઢાવી શકો છો.
અરજી સંપૂર્ણપણે ઓનલાઈન છે, તેથી વાલીઓએ ઘરે બેઠા જ ફોર્મ ભરી શકશે.
આ પ્રક્રિયા શૈક્ષણિક વર્ષ 2026-27 માટે છે.
વાલીઓને સલાહ આપવામાં આવે છે કે તેઓ નિયત સમયમર્યાદામાં (4થી 17 એપ્રિલ) ફોર્મ ભરી લે અને તેમાં આપેલી તમામ માહિતી સાચી અને સંપૂર્ણ હોય તેની ખાતરી કરે. હાલમાં અનેક શાળાઓ વાલીઓ દ્વારા ભરેલા ઈન્કમટેક્સનું ટેડા કઢાવીને ક્રોસ ચેકિંગ કરતા હોવાનું પણ સામે આવ્યું છે.
આ પણ વાંચો – ગુજરાતમાં દહેજના દૂષણનો ભયાનક ચિતાર : 3 વર્ષમાં 178 મહિલાઓએ આપઘાત કર્યો, 5638 ફરિયાદો નોંધાઈ
