ગુજરાત એન્ટી ટેરરિસ્ટ સ્ક્વોડ (ATS) ને રાજ્યમાં ફેલાયેલા આતંકવાદી નેટવર્કને નેસ્તનાબૂદ કરવામાં વધુ એક મોટી અને મહત્વપૂર્ણ સફળતા હાથ લાગી છે. પાકિસ્તાન સ્થિત ખૂંખાર આતંકી સંગઠન જૈશ-એ-મોહમ્મદ (JeM) સાથે જોડાયેલા અને ગુજરાતમાં ગુપ્ત રીતે સક્રિય રહેલા વધુ ૫ આતંકીઓને ATS ની ટીમે ઝડપી પાડ્યા છે. આ તમામ આતંકીઓ ગુજરાતના અલગ-અલગ જિલ્લાઓમાંથી સક્રિય રહીને પોતાના નાપાક મનસૂબાઓને અંજામ આપવાની ફિરાકમાં હતા, જેમને એક ગુપ્ત ઓપરેશન હાથ ધરીને દબોચી લેવામાં આવ્યા છે.
અગાઉ ઝડપાયેલા ૮ આતંકીઓની પૂછપરછમાં થયો મોટો ઘટસ્ફોટ
પ્રાપ્ત માહિતી અનુસાર, ગુજરાત ATS દ્વારા તાજેતરમાં જ આ જ મોડ્યુલના ૮ આતંકીઓની ધરપકડ કરવામાં આવી હતી. આ આતંકીઓની સઘન પૂછપરછ અને રિમાન્ડ દરમિયાન તેમના નેટવર્ક સાથે જોડાયેલા અન્ય સભ્યોના નામ સામે આવ્યા હતા. કસ્ટડીમાં રહેલા આતંકીઓએ જે વિગતો ઓકી હતી અને નેટવર્ક અંગે જે ખુલાસા કર્યા હતા, તેના આધારે ATS એ રાજ્યવ્યાપી ઓપરેશન હાથ ધર્યું હતું. આ આતંકીઓનું નેટવર્ક રાજ્યમાં વધુ વ્યાપ ફેલાવે અને કોઈ મોટી ઘટનાને અંજામ આપે તે પહેલાં જ ATSએ સતર્કતા દાખવીને આ નવા ૫ આતંકીઓની ધરપકડ કરી લીધી છે.
ગુજરાતને આતંકી પ્રવૃત્તિઓથી ધમરોળવાના અને અશાંતિ ફેલાવવાના આ મનસૂબાનો પર્દાફાશ કરવા માટે રાજ્યનું પોલીસ તંત્ર અને સુરક્ષા એજન્સીઓ અત્યંત એલર્ટ મોડ પર છે. આ કેસની કડીઓ મેળવવા માટે ATS દ્વારા અગાઉ અનેક શકમંદ વ્યક્તિઓની અટકાયત કરીને લાંબી પૂછપરછ કરવામાં આવી હતી. તેમના નિવેદનો અને ટેકનિકલ સર્વેલન્સના આધારે એકત્ર કરાયેલા મજબૂત પુરાવાઓને પગલે આખરે આ પાંચેય સક્રિય આતંકીઓને જેલના સળિયા પાછળ ધકેલી દેવામાં આવ્યા છે. હાલ આ તમામની સઘન પૂછપરછ ચાલી રહી છે, જેમાં ભવિષ્યમાં હજુ પણ કેટલાક મોટા અને ચોંકાવનારા ખુલાસા થવાની પૂરેપૂરી શક્યતા છે.
આ પણ વાંચો – POCSO કેસમાં બાપુનગર પોલીસના શરમજનક હરકત, FIRના બદલે સમાધાનનો પ્રયાસ; પીડિતા સામે આરોપીને બેસાડ્યાનો દાવોરાજ્યને ધમરોળવાના મનસૂબા પર ફેરવાયું પાણી
