મનામા: મધ્ય પૂર્વમાં વધતા તણાવ વચ્ચે ઈરાને બહેરીનના વિશ્વના સૌથી મોટા એલ્યુમિનિયમ ઉત્પાદકોમાંની એક કંપની ‘અલ્યુમિનિયમ બહેરીન’ (અલ્બા)ના પ્લાન્ટ પર હુમલો કર્યો છે. આ હુમલામાં કંપનીના બે કર્મચારીઓને નાની ઇજાઓ થઈ છે. બહેરીનના સરકારી મીડિયાએ આ જાણકારી આપી છે.
અલ્બા કંપનીએ એક સત્તાવાર નિવેદનમાં કહ્યું છે કે, “અમારા કર્મચારીઓની સુરક્ષા અને સલામતી અમારી સૌથી મોટી અગ્રિમતા છે. અમે પુષ્ટિ કરીએ છીએ કે અલ્બાના બે કર્મચારીઓને સામાન્ય ઇજાઓ થઈ છે.” કંપનીએ હુમલાની અસરનું મૂલ્યાંકન કરી રહી છે અને વધુ વિગતો ઉપલબ્ધ થશે ત્યારે અપડેટ આપવાનું જણાવ્યું છે.
ઈરાનની સૈન્ય પાંખ IRGCએ આ હુમલાની જવાબદારી સ્વીકારી છે. તેમણે કહ્યું છે કે આ હુમલો ઈરાનના બે સ્ટીલ પ્લાન્ટ પર થયેલા હુમલાના જવાબમાં કરવામાં આવ્યો છે. IRGCએ બહેરીનના અલ્બા પ્લાન્ટ સાથે સાથે યુનાઈટેડ આરબ અમીરાતના Emirates Global Aluminium (EGA) પ્લાન્ટને પણ નિશાન બનાવ્યું હતું.
BREAKING:
🇮🇷🇮🇱🇺🇸 After the US and Israel targeted universities in Tehran, Iran announced that from now on all Israeli and US universities in the region will be targeted as well pic.twitter.com/QJUfridjJK
— Megatron (@Megatron_ron) March 28, 2026
આ હુમલો ઈરાન અને ઈઝરાયલ-અમેરિકા વચ્ચે વધતા સંઘર્ષનો ભાગ છે. ઈરાને અમેરિકા અને ઈઝરાયલ સાથે જોડાયેલા ઉદ્યોગો પર વળતા પ્રહારો કરવાની જાહેરાત કરી છે. બહેરીન સરકાર અને અલ્બા કંપનીએ કર્મચારીઓની સુરક્ષા વધારવા અને કાર્યવાહીને લઈને તપાસ શરૂ કરી છે.
આ ઘટનાથી ગલ્ફ પ્રદેશમાં એલ્યુમિનિયમ ઉદ્યોગ પર અસર પડી શકે છે અને વૈશ્વિક સપ્લાય ચેઈનને પણ અસર થઈ શકે છે.
આ પણ વાંચો – અમદાવાદમાં એસિડ એટેકનો કેસ 24 કલાકમાં ઉકેલાયો : ક્રાઈમ બ્રાન્ચે આરોપીને ઝડપી પાડ્યો
