- સરખેજ PI ચાવડા અને PSI બોળીયાની ટીમે બાતમીના આધારે દારૂ ભરેલો ટ્રક દબોચ્યો
અમદાવાદ : અમદાવાદ શહેરમાં પ્રોહિબિશનની પ્રવૃત્તિઓને નેસ્તનાબૂદ કરવા માટે પોલીસ કમિશનરની સૂચના હેઠળ સરખેજ પોલીસ સ્ટેશનની ટીમે એક મોટી સફળતા મેળવી છે. પંજાબથી પતંજલિ કંપનીની પ્રોડક્ટ્સ અને લોટના કટ્ટાની આડમાં ટ્રકમાં છુપાવીને લાવવામાં આવતો ₹1,01,61,240 ની મત્તાનો વિદેશી દારૂનો જથ્થો ઝડપી પાડી પ્રશંસનીય કામગીરી કરી છે.
સચોટ બાતમી અને ઓપરેશન
સરખેજ પોલીસ સ્ટેશનના પોલીસ ઇન્સ્પેક્ટર એલ.એલ. ચાવડાને મળેલી સચોટ બાતમીના આધારે સરખેજ બાકરોલ સર્કલથી સનાથલ સર્કલ તરફ જતા એસ.પી. રિંગ રોડ પર વોચ ગોઠવવામાં આવી હતી. આ દરમિયાન બાતમી મુજબના અશોક લેલેન્ડ ટ્રક (નં. RJ-39-GA-8078) ને અટકાવી તપાસ કરતા તેમાંથી પતંજલિના બોક્સની પાછળ છુપાવેલી ભારતીય બનાવટની વિદેશી દારૂની કુલ 9624 બોટલ તથા બીયર ટીન મળી આવ્યા હતા.
મુદ્દામાલ અને ધરપકડ
પોલીસે ટ્રક ચાલક વગતારામ જગમાલરામ બેનીવાલ (રહે. બાડમેર, રાજસ્થાન) ને ઝડપી લીધો છે. પકડાયેલ મુદ્દામાલમાં ₹76.56 લાખનો દારૂ, ₹15 લાખની ટ્રક અને ₹10 લાખની કિંમતની પતંજલિ પ્રોડક્ટ્સ મળી કુલ ₹1.01 કરોડથી વધુનો સામાન જપ્ત કરવામાં આવ્યો છે. પકડાયેલ આરોપી અગાઉ ભાભર પોલીસ સ્ટેશનમાં પણ પ્રોહિબિશનના ગુનામાં સંડોવાયેલ હોવાનું બહાર આવ્યું છે.
સફળ કામગીરી કરનાર પોલીસ ટીમ
આ ઓપરેશનમાં સરખેજ પોલીસની ટીમે અત્યંત સજાગતા અને ટીમ વર્કનું ઉત્તમ ઉદાહરણ પૂરું પાડ્યું છે. પોલીસ ઇન્સ્પેક્ટર (પીઆઈ) એલ.એલ. ચાવડા અને પો.સ.ઈ. (પીએસઆઈ) એ.આર. બોળીયાના નેતૃત્વમાં નીચે મુજબના સ્ટાફે પ્રશંસનીય કામગીરી કરી છે. તે ઉપરાંત તેમની ટીમના અન્ય પોલીસ કર્મચારીઓએ સતત વોચ ગોઠવીને દારૂને ઝડપી પાડવામાં સક્રિય ભૂમિકા ભજવી છે. જે તમામના નામ નીચે પ્રમાણે છે.
અ.હે.કો. વિક્રમસિંહ જીલુભા અને લાભુભાઇ ગાંડાભાઇ
અ.પો.કો. અભીજીતસિંહ કાકુભા અને અનિરૂધ્ધસિંહ ભરતભાઇ
અ.પો.કો. કનકસિંહ લખધીરવસિંહ અને લલીતકુમાર ઉકાભાઇ
અ.પો.કો. જયરાજસિંહ ગંભીરસિંહ અને નરેન્દ્રસિંહ બળવંતસિંહ
અ.પો.કો. કુલદીપસિંહ ગજેન્દ્રસિંહ અને રવિરાજસિંહ રણજીતસિંહ
અ.પો.કો. મહેશભાઇ ધરમશીભાઇ અને વુ.પો.કો. સોનુબેન મિતુલકુમાર
અમદાવાદ પોલીસની આ આક્રમક કાર્યવાહીથી ગેરકાયદેસર પ્રવૃત્તિ કરતા તત્વોમાં ફફડાટ વ્યાપી ગયો છે.
આ પણ વાંચો – સચિવાલય સંકુલમાં સત્તાસંગ્રામ: ‘શક્તિમાન’ અને ‘સર્વશક્તિમાન’ વચ્ચેનું શીતયુદ્ધ ઉગ્ર બનવાની દહેશત
